Simpri mancul miedis in regjon

In Friûl-Vignesie Julie a son al lavôr 693 miedis di medisine gjenerâl, ven a stâi un ogni 1.430 assistûts. Il dât al fâs saltâ fûr il crol verticâl dai miedis regjistrât intai ultins 9 agns.
Intal 2015 i miedis di base e jerin 918, 225 in plui e a vevin in medie 1.174 citadins ognidun. Cheste diference e je saltade fûr dopo che il conseîr regjonâl dal Partito democratico Nicola Conficoni al à otignût lis cjartis. “I numars – al conte il conseîr, che al sotlinee la ineficience de politiche fate di Fedriga e Riccardi – a son lâts in lizêr câl fin dal 2018 par dopo tacâ a lâ jù a fuart. Cheste situazion e je a risi di lâ piês ancjemò se si ten cont che une vore di miedis a stan par lâ in pension”. (a.d.g.) – 06.03.2024