Stalis dal Friûl-Vignesie Julie, ricercje su lis emissions pe prime volte in Italie

Pe prime volte in Italie, al sarà calcolât il nivel des emissions che a son buinis di alterâ il clime intes stalis che a produsin lat. La iniziative e je inmaneade de Associazion arlevadôrs de regjon, in colaborazion cun Ersa, Universitât dal Friûl e Ceviq, e cjaparà dentri plui o mancul 400 aziendis che a tirin sù 40 mil vacjis.

“La racuelte dai dâts e larà indenant doi agns – al vise Andrea Lugo, diretôr de associazion – in graciis dai fonts de Aministrazion regjonâl, e nus permetarà di vê une fotografie concrete de situazion e dal impat ambientâl de nestre zootecnie di lat”. (a.d.g.) – 27.02.2025