Students de Universitât dal Friûl in visite tes distilariis Nonino

Une cincuantine di students dai cors di lauree in Siencis e economie de mangjative e Sience e culture de mangjative a parteciparan a une visite di studi aes distilariis di Borc Nonino a Passarian di Pavie,  miercus ai 30. Il fin al è chel di furnî ai students la oportunitât di viodi e di capî in maniere direte il procès di produzion di distilâts di grande cualitât e i procès gjestionâi di une aziende di sucès internazionâl, vuidade di une scuadre dute al feminin. La visite e sarà vuidade di Antonella, Cristina e Elisabetta Nonino cul retôr Roberto Pinton. Infondât inte campagne furlane, Il Borc Nonino al è un complès componût di siet fabricâts rurâi, a 500 metris des distilariis, al limit dai 10 etars dal bosc realizât di Benito Nonino. (A.I.) – 29.10.2024