Telefriuli e je la emitente privade plui cjalade in Friûl-Vignesie Julie

Telefriuli e à rinfuarçât intal 2022 la sô sorestanzie. L’Auditel al à publicât i dâts relatîfs al an passât che a assegnin ae emitente il primât assolût di scolte cun 68.598 contats medis zornalîrs; la cressite a pet dal 2021 (63.279 contats) e je stade dal 8,4%.

Daûr di Telefriuli si è colocade Telequattro cun 50.502 contats, in calâ (-12,2%) a pet dai 57.545 contats dal 2021.

Al tierç puest e je UdineseTv, cun 29.169 contats, e plui indaûr 7 Gold Telepadova (27.565), Antene Trê Venit (25.099) e Telechiara (21.434). (A.D.G.) – 03.03.2023