Un ‘ecobonus’ di 100 milions de bande de Regjon

Il governadôr dal Friûl Vignesie Julie, Massimiliano Fedriga, al à comunicât al tiermin de riunion di Zonte straordenarie un ‘ecobonus’ di plui di 100 milions par rindi lis abitazions plui eficientis. Une misure  straordenarie – la prime di cheste puartade in Italie, de bande di une regjon – par frontâ la incressite dal presit de energjie. I fonts a disposizion cui contribûts regjonâi pes abitazions – prime o seconde cjase e condomins – a van sumât aes detrazions za previodudis a nivel nazionâl. Chest, daûr Fedriga, al varès di “butâ jù a sec, se no fintremai anulâ, il cost pe instalazion di implants tant che i panei fotovoltaics e ridusi in maniere consistente il cost des boletis”. (A.I.) – 11.10.2022