Confartigianato-Imprese Udine doman ai 25 di Otubar aes 6 sot sere a Codroip, li de Sale consiliâr dal municipi, e premie lis aziendis e i imprenditôrs che si son fâts notâ pal lôr impegn inte aziende o inte associazion, lavorant a pro de cressite de lôr ativitât e cun chê de cressite dal teritori. La manifestazion e je inmaneade te suaze de Fiere di S. Simon.
A saran presints Graziano Tilatti e Paolo Bressan, tal ordin president provinciâl e de zone di Confartigianato-Imprese Udine, dal sindic di Codroip Guido Nardini e dal assessôr comunâl aes Ativitâts produtivis Giorgio Turcati e dai sindics di Bertiûl Eleonora Viscardis e di Vildivar Fausto Prampero.
A saran consegnâts i atestâts di benemerence a cuatri aziendis dal teritori e un premi speciâl a une storiche dirigjente teritoriâl de associazion di categorie. (a.d.g.) – 24.10.2024
