Un scont fuart par cui che al cjape sù lavoradôrs a timp indeterminât

Al rive un scont pardabon fuart sul cost dal lavôr par cui che al cjape sù int a timp indeterminât. Al è stât a pene publicât il decret dal Ministeri de Economie, adun cun chel dal Lavôr, che – in atuazion de riforme de Irpef – al previôt par chest an un aument (dal 120%) dal cost dal lavôr che si pues puartâ in deduzion intal câs di cressite dal numar dai dipendents cun contrat a timp indeterminât.

Al è previodût un altri aument (dal 130%) se si cjapin sù lavoradôrs che a àn bisugne di plui tutele e tra chescj personis cun disabilitât, feminis cun almancul doi fîs e zovins ametûts ai incentîfs pe ocupazion. (a.d.g.) – 26.06.2024