L’incuinament fat des microplastichis al è simpri plui une menace par mârs, flums e ancje pe nestre salût. Un dai problemis al è cirî di capî cemût che i microscopics tocuts di plastiche a vegnin puartâts intal mâr dai flums e daspò a rivin sul fonts.
Une gnove ricercje e à dât impuartantis informazions su ce che al sucêt ai tocuts cuant che si cjatin tai flums, rivant cussì a progjetâ struturis plui buinis par blocâ e puartâ vie la plastiche. Il studi al è stât fat di Vlad Giurgiu, Giuseppe Caridi, Marco De Paoli e Alfredo Soldati.
Il lôr articul, in graciis de colaborazion tra l’ateneu furlan e la Universitât di Tecnologjie di Viene, al è stât a pene publicât su “Physical Review Letters”, la riviste internazionâl di Fisiche, une vore impuartante. (a.d.g.) – 29.08.2024
