Une vore di aziendis de regjon ae fiere nazionâl de industrie

A son 43 lis aziendis de regjon Friûl-Vignesie Julie che a parteciparan ae vincjesime prime edizion dal Mecspe, la principâl fiere taliane dedicade ae industrie des manifaturis, dai 29 ai 31 di Març a BolognaFiere. In particolâr, 25 a vegnin de provincie di Pordenon, 13 di Udin, trê di Gurize e dôs di Triest. Il setôr de fabriche al è simpri plui strategjic pal Paîs e lu dimostre la gruesse partecipazion dal compart industriâl talian ae manifestazion: a son plui o mancul doi mil lis aziendis che a fasaran viodi lis lôr inovazions tecnologjichis intai salons tematics disvilupâts sui 92 mil metris cuadris di superficie espositive. Un percors che al vuidarà i operadôrs professionâi ae scuvierte di soluzions inovativis par sburtâ la cressite des impresis di manifature, cun tantis iniziativis speciâls disvilupadis sui trê grancj pilastris de fiere: formazion, inovazion e sostignibilitât. (A.I.) – 28.03.2023