Valsassina ae vuide di Confagriculture Fvj par altris trê agns

Confermât par altris trê agns ae presidence di Confagricultura Fvg l’imprenditôr agricul di Zerà Philip Thurn Valsassina. Il Consei diretîf al à votât ae unanimitât la conferme di Valsassina, 44 agns, laureât in Economie des istituzions e dai marcjâts finanziaris ae Bocconi di Milan, impegnât in Confagriculture a varis nivei di responsabilitât dal 2001. “Lis problematichis economichis e sociâls a son cressudis, lis emergjencis a deventin struturâls. Par frontâlis- al à dit il president – al coventarès capî che i procès decisionâi e burocratics a fossin plui svelts”. (A.D.G.) – 15.07.2022