La isule Orbi di Grau e je stade vendude a la aste dal istitût venditis judiziariis Coveg di Udin. Le à comprade par 519 mil euros un creditôr de Basse furlane, dilunc de licuidazion judiziâl de Magic spa-Grandi magazzini.
“A saran tignûts i trê casons presints tal catastic dal Comun”, al à spleât Alessandro Cunta, referent de Coveg: un al è doprât come cusine, chei altris doi come lozaments. Dentri dal sît e je ancje une piçule lagune che intal mieç di chê si cjate une isulute indulà che si pues rivâ doprant une passarele.
Dentri di un senari di sium, la isule Orbi e je autonome sedi par ce che al rivuarde la aghe, graciis a un poç artesian, sedi pe energjie eletriche parcè che a son i panei solârs e un gjeneradôr pal Invier. (a.d.g.) – 31.01.2025
