Vie libare dai creditôrs al salvament de Cimolai

Vie libare dai creditôrs al plan di ristruturazion dal debit par Cimolai Spa e par chê altre societât dal Grup, la Luigi Cimolai Holding Spa.

A dâ conferme intune note difondude ai 11 di Avost e je la stesse aziende. Cimolai e fâs savê che îr si son conclududis lis proceduris di vôt dai creditôrs sul plan concuardatari presentât al tribunâl di Triest.

Intal cors des setemanis prossimis – si lei ancjemò inte note – a laran indevant i adempiments formâi che a consintaran la presentazion de domande di omologhe al Tribunâl di Triest.

Simpri inte note, la societât e gracie dipendents, professioniscj, societât, Guvier e siei rapresentants pal contribût che a àn dât al otigniment di chest risultât. (a.d.g.) – 14.08.2023