Corot tal setôr alberghîr pe muart di Franco Marini, 88 agns, titulâr storic dal Hotel Là di Moret di Udin. Marini al veve grandis capacitâts imprenditoriâls, al lavorave cence padin e al jere simpri stât une vore atent ae etiche dal lavôr. A 29 agns, adun cu la sô femine Margherita, al veve cjapât su’ la gjestion dal Hotel che al jere de sô famee fintremai dal 1905.
La storie de famee Marini e je leade a chest puest fin di cuant che il nono Giovanni al veve comprade une vecje ostarie cun dongje une stale al ingrès di Udin, par dopo trasformâle intun hotel. Marini de bande sô al veve dopo rinovât dal dut la struture pontant suntune ufierte gastronomiche di alte cualitât. Di cualchi an al veve passât dut intes mans dal fi Edoardo. (a.d.g.) – 12.02.2025
