La ATF – Associazion teatrâl furlane e cîr gnûfs autôrs di comediis pes sôs cincuante compagniis cu la decime tierce edizion dal concors pe selezion di tescj teatrâi in lenghe furlane: soredut comediis ‘brilantis’.
Vêso il stampon di une storie tacade e mai finide? L’incipit di un test che nol à plui cjatade la ispirazion juste par lâ indenant? O ancje dome une idee mai butade jù? Fint ai 31 di Avost al è timp par notâsi al concors.
Si puedin presentâ comediis di gjenars diferents tes trê categoriis dal concors: monolics, curts teatrâi o ben tescj teatrâi complets.
Un bon jutori par scrivi lis vuestris oparis al rivarà dal cors di scriture e di consulence dramaturgjiche, par cure de associazion Servi di Scena – Mateârium. Chei che si iscrivin al concors a podaran frecuentâlu.
Lis oparis, che a vignaran valutadis e selezionadis di une jurie di pueste, si varan di mandâ ae direzion: biblioteca@associazioneteatralefriulan.com dai 30 di Otubar ai 30 di Novembar dal 2024.
Il concors al è organizât in graciis dal contribût de ARLeF. Par plui informzions e par lei dut il regolament: https://arlef.it/concors-pe-selezion-di-tescj-teatrai-in…/
Il teatri furlan al cîr gnûf autôrs
83
