Tarife su la scovace, Udin e je la capitâl plui conveniente

Udin e je la capitâl di provincie dulà che lis fameis a spindin mancul pe tasse sui refudums: 181 euros, trê voltis in mancul rispiet a Catania, dulà che la vôs Tari e incît di plui sui belançs familiârs, cun 594 euros.

In Italie intal 2023 la tasse e à regjistrât une incressite dal 2% a pet dal an di prime. La spese medie a nivel talian e je di 320 euros.

Al è chest il cuadri che al ven sù de rilevazion dal Osservatori presits e tarifis di Cittadinanzattiva, rivât ae decime seste edizion. La investigazion sul cost sostignût intal 2023 pal smaltiment dai refudums in ducj lis capitâls di provincie e cjape tant che riferiment une famee di 3 personis e une cjase di proprietât di 100 metris cuadris. (a.d.g.) – 13.11.23