7
Intal centri di riferiment oncologjic di Davian al è in maniere uficiâl operatîf il gnûf aceleradôr lineâr par fâ trataments di alte precision. Chest invistiment impuartant, di 3 milions e 327 mil euros, al è stât pussibil in graciis dai fonts europeans di Next Generation Eu inte suaze dal Pnrr e ancje dai bêçs de Regjon.
I lavôrs di adeguament dai locâi e la instalazion dal machinari, tacâts tal Mai dal 2024, a son stâts finîts in Otubar e tai trê mês dopo a son stâts fats i colauts e al è stât preparât il personâl.
Il gnûf sisteme di terapie a fotons al rapresente une svolte tecnologjiche pe Oncologjie radioterapiche dal Cro che, ogni an, al cure in medie 2.100 malâts. (a.d.g.) – 20.01.2025
