Intal municipi di Colorêt di Montalban si discjadene la bataie politiche, a sun di letaris, clamadis e ricors al Tar, che a podaressin ancje prejudicâ la ultime variazion di belanç. Protagoniscj a son il sindic Luca Ovan e l’ex assessôr Antonio Rigo, intune cun chei altris doi conseîrs dal grup Colloredo 2.0. Lis ultimis bataìcis a rimontin a martars di sere, dilunc di une sentade straordenarie dal Consei comunâl.
Par capî ce che al sucêt in Comun, bisugne partî dal Consei comunâl di Fevrâr, cuant che si è creade une crevadure in Zonte su la introduzion dal ‘puarte a puarte’ pai refudons a Colorêt, che i le daûr dal ritîr de bande di Ovan des deleghis a Rigo e a chel altri assessôr a cuote Colloredo 2.0, Patrizia Miolo.
Il ben servît al è stât formalizât intal Consei dai 26 di Jugn. Pecjât che Rigo e Miolo a sedin ricorûts al Tar, che al varès di esaminâ il câs miercus prossim. Secont dai doi ex assessôrs, di fat, dutis lis delibaris, cjapade dentri ancje la variazion di belanç, a son ilegjitimis parcè che a lôr no je rivade la clamade intes modalitâts previodudis dal Statût. Dut in regule, invezit, par sindic e segretari comunâl. (a.d.g.) – 07.09.23
