Aghis agjitadis in Comun a Grau

E je crisi inte maiorance di centridiestre dentri il Consei a Grau e par risolvile al interven fintremai il president de Regjon Massimiliano Fedriga. Une riunion cui rapresentants dai partîts al guvier de citât e je stade metude in calendari a Triest di fat par martars dopomisdì: ator de taule, di là dal numar 1 de Zonte regjonâl, ancje la sindiche di Monfalcon e responsabile dai ents locâi pe Lega Anna Cisint, il president regjonâl di Fratelli d’Italia Walter Rizzetto intune cui vertiçs gradesans dal partît, e dopo i rapresentants di Forza Italia, liste Kovatsch e, dal sigûr, il stes sindic Claudio Kovatsch. La crisi interne ae maiorance e viôt oponudis di une bande Fratelli d’Italia, che no à lesinât bordadis al prin citadin acusantlu di “doi agns di assencis, fuidis e sbalizadis”, e di chê altre chês altris fuarcis di centridiestre e in particolâr il sindic Kovatsch stes, che intal cors de ultime sentade dal Consei al à lassât la aule in vierte polemiche propit cun Fratelli d’Italia. (a.d.g.) – 14.09.23