Alarme pal sec des aziendis agriculis tra la Tor e il Nadison

I cambiaments climatics a stan fasint simpri plui dams e al è miôr spesseâ tal fâ bacins artificiâi che a puedin tignî di cont la aghe, simpri plui preziose.

Lu à dit il conseîr regjonâl de Lega Alberto Budai visant che doi agns indaûr la Regjon e veve metût a disposizion 500 mil euros par judâ i consorzis a jentrâ tai bants statâi.

“Il berli par vê jutori des aziendis agriculis intal teritori tra la Tor e il Nadison al è legjitim. Intai ultins agns o viodìn moments luncs di sec e daspò ploiis une vore fuartis intant che lis faldis a stan calant”. (a.d.g.) – 27.08.2024