Aniversari dal Vaiont, Fedriga “no permeti plui i erôrs dal passât”

“Il Vaiont al è sucedût sessante agns indaûr, ma altris Vaiont a tornaran dongje di continui in ogni cjanton dal nestri planet. La nestre civiltât e à di fâ un salt indenant par no permeti plui i erôrs za fats intal passât. Cognossi dafonts cetant che e sedi delicade la Tiere, guviernâ cun savietât i nestris teritoris, cjapâ decisions insiemi dome dopo vê scoltât: a son chescj i pas urgjents e necessaris par un futûr miôr e un presint impuestât su plui sigurece par ducj”. Lu à dit il president dal Friûl-Vignesie Julie e de conference des Regjons, Massimiliano Fedriga, al memoreament intal 60m aniversari dal disastri dal Vaiont. (a.d.g.) – 09.10.23