Bataie a Triest pal Tiliment

Zornade movimentade îr a Triest, dentri e fûr dal Consei regjonâl. Tor misdì discussion fuarte dal assessôr dal Ambient Fabio Scoccimarro cui rapresentants dai comitâts “Assieme per il Tagliamento” e “Tagliamento Libero”, che a protestavin cuintri de travierse sul Tiliment zigant “No diga”.

Scoccimarro al à tacât a berghelâ visant che no jere nissune dighe, ma dome un progjet par morestâ il pericul di inagaments. Tal dopomisdì al è lât in Consei, indulà che al à fat mandâ indaûr une mozion presentade di Rosaria Capozzi dal Movimento 5 Stelle indulà che si domandave une discussion publiche su la cuistion dal Tiliment. Par Scoccimarro ciertis polemichis a son fatis dome par cjapâ plui vôts intes prossimis elezions. (a.d.g.) – 20.06.2024