Une letare al ministri de Transizion Ecologjiche, Roberto Cingolani, e je stade inviade îr dal president nazionâl di Legambiente, Stefano Ciafani e dal president di Legambiente FVJ, Sandro Cargnelutti, par domandâi di intervignî in maniere urgjente cun la Regjon Fvj parcè che no autorizi il cuart e ultin progjet SIOT di cogjenerazion a alt rindiment, di fâ intai Comuns di Paluce e Çurçuvint.
Chest progjet, se fat, e à scrit Legambiente, al produsarès impuartants impats negatîfs sedi sul plan ambientâl che energjetic e di salût publiche cun vantaçs economics e finanziaris dome pe SIOT che si zontaressin a chei che a rivin dal esercizi di chei altris trê implants za autorizâts intai Comuns di San Dorligo, Reane dal Roiâl e Cjavaç par svariâts milions di euros ad an. (ADG) – 28.09.2022
