Casini a Pordenon par contâ 40 agns di politiche

Il senatôr Pier Ferdinando Casini al sarà tra un mês a Pordenon, ai 25 di Mai li de Cjase dal student “Antonio Zanussi”, par contâ il so libri biografic “C’era una volta la politica”. Il volum al ricostruìs fra storiis, ricuarts, riflessions e sperancis i moments principâi di une vite al servizi de robe publiche. Un afresc dai ultins cuarante agns de politiche taliane, chel scrit dal ex President de Cjamare, di 40 agns in Parlament, che al rapresente un patrimoni di esperiencis e ancje une indicazion precise pes gnovis gjenerazions di politics. La cunvigne e je a jentrade libare, fin al esauriment dai puescj disponibii. Prenotazions sul sît www.pordenonelegge.it o al numar 0434-1573100. (A.I.) – 26.04.2023