“O vin di fâ capî che il Centri pal implei al è il pont di incuintri tra domande e ufierte ancje pes altis professionalitâts e chest lu podìn fâ dome se lis impresis si indrecin a nô par domandâ apont lis altis professionalitâts e i citadins par cirî lavôr, o par cambiâ ativitât, si indrecin ai centris pal implei”.
Lu à dite vuê a buinore a Triest l’assessôr regjonâl al Lavôr Alessia Rosolen, dulinvie de presentazion dal recruiting day che si tignarà al Tiare Shopping Center di Vilès ai 4 di Avrîl. A son 75 i puescj di vore a disposizion e al è timp fin ai 28 di Març par inviâ lis candidaturis. “In chescj agns – e je lade indevant Rosolen – o sin rivâts a fâ meti in contat in maniere impuartante i Centris pal implei cu lis impresis”. L’assessôr e à sotlineât, cun di plui, che “o scontìn un dât che al pues someâ limitât, ma che al è fondamentâl par capî cuâl che al è l’andament dal marcjât dal lavôr in F-Vj: intai ultins 10 agns 30 mil zovins in mancul a son jentrâts intal marcjât dal lavôr”.
Par chest motîf par Rosolen, “cun fonts nazionâi, regjonâi e dal Fonts sociâl european o stin cirint di fâ deventâ cheste regjon trative. Lu vin fat par agns cul sisteme universitari sientific, lu stin fasint cul sisteme Its – e à concludût – par ingaiâ fantats che a vegnin a fâ chest percors chi di nô”. (A.D.G.) – 06.03.2023
