64
Al è Alessandro Ciriani il plui preseât sindic dal Friûl-Vignesie Julie. I van daûr Alberto Felice De Toni, Roberto di Piazza e ae fin Rodolfo Ziberna. Inte classifiche taliane fate dal gjornâl Sole 24Ore, i prins trê puescj a son di sindics dal Centri-çampe: Michele Guerra di Parme, Gaetano Manfredi di Napoli e Michele De Pascale di Ravenna. Ciriani, che cumò al è parlamentâr european, ancje se si cjatave al prin puest tal moment dal sondaç, al segnave un sbassament dal gradiment parcè che al jere passât dal 64,5% dal 2023 al 56,5%, intant che i sindics di Udin e di Triest a son in cressite. (a.d.g.) – 15.07.2024
