9
Corsis scanceladis, fermadis tiradis vie e modifichis des tratis inte Basse furlane orientâl a àn lassât par strade centenârs di students ancje in provincie di Gurize.
A son cetancj i discomuts che a son sucedûts tal servizi di traspuart public extraurban modificât tacant dal Zenâr dal 2025 su lis direzions Udin–Grau e Udin–Lignan. A cjapâ note des lamentazions di fameis e fantats, rivâts di spes in ritart a scuele, al è stât il conseîr regjonâl dal Pd Francesco Martines, che al à visât che sul probleme al presentarà une interogazion ae Zonte regjonâl. (a.d.g.) – 10.01.2025
