Dai fonts di disvilup e coesion 322 milions di euros pe Regjon

“Il 2023 al è stât un an particolâr e intens pe Direzion financis intal setôr dai Fonts Fsc (Font di disvilup e coesion), stant che si è lavorât sedi su la sierade de vecje programazion sedi su la scriture dai obietîfs de gnove 2021-2027 cun tancj travuarts di tocjâ”. Lu à dit cheste matine l’assessôr regjonâl aes Financis Barbara Zilli vierzint i lavôrs – in videoconference – de tierce riunion ordenarie dal Comitât di control dal Disvilup plan e coesion de Regjon Friûl-Vignesie Julie. Il Comitât, tant che strument strategjic pe Regjon, al opare inte gjestion e intal control de atuazion dal Plan che al implee lis risorsis dai Fonts pal disvilup e la coesion de programazion dal 2000 a vuê. Lis risorsis complessivis de Programazion Fsc pal Friûl-Vignesie Julie a son di 322 milions di euros, di chescj il 92% al risulte a vuê za impegnât. (a.d.g.) – 05.12.2023