De Regjon trê milions di euros pai implants sportîfs pe atletiche

A son trê i milions di euros stanziâts de regjon Friûl-Vignesie Julie a pro dai implants sportîfs indulà che si fâs atletiche e che a àn dibisugne di lavôrs di manutenzion e di ristruturazion.

“La rêt dai implants indulà che si pues fâ atletiche – al à dit l’assessôr al Sport e Vicepresident Mario Anzil – e je un patrimoni une vore impuartant. Cun chest proviodiment o vin chê di dâ une man a tignî in ordin chescj implants par garantî di podêju doprâ, che si rivi a gjestîju e par di plui dant la pussibilitât a cetancj zovins di fâ chest sport”. (a.d.g.) – 02.09.2024