Cheste matine, inte Cjase de Contadinance a Udin, Alberto Felice De Toni, cu la sô coalizion, al à presentât il decalic ae base de sô propueste politiche come sindic di Udin.
“Prin di dut, graciis ai citadins, ai moviments civics, aes associazions e aes fuarcis politichis – al à dit De Toni, ilustrant il so ‘decalic’ – che a àn decidût di sostignî cheste candidature”.
Al prin pont De Toni al met il fat che la sô e je une candidature civiche. “La mê e vûl jessi une candidature finalizade al rilanç di Udin e dal Friûl”. Il program al sarà definît intune desene di incuintris publics a teme, di Zenâr fin ae metât di Març, par rivâ pronts al apontament eletorâl di Avrîl o Mai; nuie Visitors, intal sens che la sô e je une candidature vignude dal bas. “Cul sburt – adesion di citadins singui, dal mont associatîf, di listis civichis e dai partîts tradizionâi, cence nissun condizionament a nivel de politiche regjonâl o taliane”. Par De Toni, cun di plui, Udin al à di tornâ capitâl dal Friûl. “O volarès che Udin al tornàs a jessi la capitâl dal Friûl. Ma no lu dîs jo, e je la vocazion e la storie de citât a dîlu. Capitâl nol vûl dî (se no par cualchidun) capitâl dal Stât furlan, ma “caput”, ven a stâi cjâf che al pense al Friûl”. (A.D.G.) – 23.12.2022
