134
Fieste grande îr sore sere intal plaçâl in face al municipi di Nova Gorica/Gnove Gurize par saludâ i 20 agns de adesion de Slovenie ae Union Europeane. A jerin presints cetancj esponents de politiche de Republiche slovene, dal premier Robert Golob e dai siei ministris al ex president Borut Pahor fintremai al comissari european Janez Lenarcic.
Presint ancje l’ex president de Comission europeane Romano Prodi che al veve partecipât ae cerimonie pal ingrès tal 2004 in place de Transalpina. Pes istituzions talianis a jerin il sindic di Gurize Rodolfo ZIberna e l’assessôr regjonâl al Patrimoni Sebastiano Callari. (a.d.g.) – 10.05.2024
