Fontanini: “Se si votàs doman, mi presentarès di gnûf”

Dopo il sbroc di vinars passât, cuant che aes telecjamaris di Telefriuli al veve definît Udin “une citât ingrate”, il sindic Piero Fontanini al è tornât a fevelâ des elezions comunâls dal 2023 aes telecjamaris de emitente tv. Ancje se nol à disfat uficialmentri lis risiervis pes elezions aministrativis a vignî, tra cinc mês, il sindic al à sclarît di vê racuet intai ultins dîs la solidarietât dai citadins, di là de poie politiche. “Se si votàs doman – a son stadis lis sôs peraulis – mi tornarès a candidâ”. (A.I.) – 03.11.2022