Fvj in ritart su la dople preference di gjenar

“Il Friûl Vignesie Julie e je stade la prime Regjon a elei president une femine (Alessandra Guerra, intal 1994, ndr) ma cundut de presidence sucessive di Debora Serracchiani, dal 2013 al 2018, e je cumò tra lis ultimis a nivel talian, intune cun altris doi teritoris, a no vê ancjemò recepît la leç nazionâl che e previôt la pussibilitât di esprimi la dople preference di gjenar ancje intes elezions regjonâls”. A rimarcâlu Dusy Marcolin, presidente de Comission regjonâl pe Paritât Om e Femine, cjapant ispirazion di un articul di stampe che par erôr al nomenave dome Guerra tra lis feminis presidentis dal Fvj, dismenteant Serracchiani. (A.D.G.) – 30.06.2022