I sindics Ciriani e Cisint a deventin assessôrs daspò de lôr elezion in Europe

Alessandro Ciriani e Anna Maria Cisint a àn dât lis dimissions de carghe di sindic di Pordenon e di Monfalcon, daspò de lôr elezion intal Parlament european, il prin cun Fratelli d’Italia e la seconde cu la Lega.

Ducj i doi a restaran dutcâs cuntun pît dentri de Zonte comunâl parcè che Ciriani al fasarà l’assessôr esterni cuntune deleghe aes Grandis oparis intant che a vuidâ Pordenon tra plui o mancul vincj dîs al sarà il vice sindic Alberto Parigi, fintremai che no saran lis elezions pal gnûf sindic, forsit vie pe Vierte dal 2025.

Ancje Cisint e deventarà assessôr, forsit aes Liniis strategjichis, aes Relazions istituzionâls e ae Gjestion finanziarie. (a.d.g.) – 02.07.2024