“Al va indevant il percors pal disvilup dai implants di Sapade 2000. Cul incuintri presint, di fat, o vin dât il vie al iter pe stipule dal acuardi di program tra il Comun di Sapade, la Regjon e PromoTurismoFVG pal inmodernament e la implementazion des infrastruturis ponudis al servizi de aree indulà schiâ di Sapade 2000 e ancje pe stabilizazion dal parc zûcs di Nevelandia”.
Al è il coment dal assessôr regjonâl aes Ativitâts produtivis e turisim Sergio Emidio Bini a margjin de conference che e à mitût adun inte sede de Regjon di Udin, di là dal esponent de Zonte, i rapresentants di PromoTurismoFVG e de direzion centrâl Ativitât produtivis e Turisim, intune cul sindic di Sapade, Manuel Piller Hoffer.
Su la taule i intervents che par chei la Regjon e à stanziât za 15,5 milions di euros: il disvilup dai implants inte aree di Sapade 2000, cul fin di colegâ Pian dei Nidi e Sapade 2000, la stabilizazion dal parc zûcs di Nevelandia e ancje il sotentri inte conduzion dal parc intierât e a rase localizat in Borc Kratten-Soravia parcè che la sô viertidure e podarès garantî une rispueste impuartante ai turiscj, ancje zornalîrs. (A.D.G.) – 11.01.2023
