L’assessôr regjonâl aes Infrastruturis Cristina Amirante e va indenant bande de costruzion de gnove strade tra Secuals e Glemone e e clame la Comunitât culinâr a decidi cuâl che al sarà il progjet just.
Vuê l’incuintri a Colorêt di Montalban cui sindics de Comunitât culinâr e cui rapresentants des categoriis economichis che, intes intenzions dal assessôr regjonâl, a varan di decidi cuâl che al sarà il progjet miôr intun grup di lavôr limitât.
L’incuintri al è stât domandât di dîs conseîrs regjonâi di maiorance par mostrâ il studi di fatibilitât dal stradon. Par cualchidun si trate di un mût par sparniçâ, ancje sui sindics, la responsabilitât politiche par un progjet une vore odeât dai citadins de zone culinâr che a àn za tirât su’ miârs di firmis, tant che fûr dal cjistiel a jerin in cetancj a protestâ cun cartei cuintri dal gnûf progjet che secont lôr al fiscarès un ambient che invezit al è di difindi.
Amirante e à ribatût che il studi di fatibilitât al sarà puartât in Zonte regjonâl dome dopo des elezions, secont jê par fâ a mancul des strumentalizazions. (a.d.g.) – 21.05.2024
