Rivâ ae veretât su Giulio Regeni “par nô e je une prioritât”, ma “no a strumentalizazions politichis”; “miercus o rispuindarai in Parlament”: lu à dit il ministri dai Forescj, Antonio Tajani, vuê a Triest, rispuindint aes domandis di Telefriuli.
Rivâ ae veretât su Giulio Regeni “par nô e je une prioritât” al à dit Tajani che, riferintsi ae sô visite resinte in Egjit, al à zontât: “O ai domandât al president egjizian e al ministri dai Forescj di contribuî infin a cjatâ une soluzion che e permeti di colpî i colpevui al tiermin di un procès. Vê fevelât e vê acetât la rispueste dal president egizian che par prin al à alçât la cuistion disint che l’Egjit al varès fat il pussibil par gjavâ ducj i ostacui che a creavin problemis intes relazions tra Italie e Egjit, lu ai acetât positivementri. Cumò o viodarìn se aes peraulis a laran daûr dai fats. Jo mi auguri che chest al sucedi. Nissun cencenament, nissun dubi su la dibisugne di risolvi i problemis – al è lât indevant Tajani – o soi stât simpri in prime file cuant che si è tratât di frontâ la cuistion Regeni ancje intal Parlament european. Lu disarai ancje in Parlament: miercus al sarà un dibatiment ancje su chest al question time e o rispuindarai, o disarai chel che o pensi e chel che al è sucedût”. (A.D.G.) – 24.01.2023
