Dopo dal ultin fugaron che al à desolât il Cjars, la sindiche di Monfalcon, Anna Maria Cisint, e a fât un apel sotlineant la dibisugne di agjî daurman intune otiche di prevenzion.
“Sabide il nestri teritori al è stât flagjelât di gnûf di un fûc teribil”, si lei inte letare de prime citadine. “Cemût che masse dispès al sucêt cui fûcs, une rassegnazion misteriose e somee no sburtâ a cirî lis causis, come se – une volte terminade la emergjence – il fûc nol fos plui un teme in prin plan. Il sec, sigûr, e je la cause contemporanie, ma no la cause prime. Meti in struc che il fûc al è sucedût par vie dal sec al va a pericul di risultâ une semplificazion pericolose che e slontane de veretât, al limite la atenzion e no nus met intune posizion ative”. (A.D.G.) – 08.08.2022
