Il ministri de Agriculture, Francesco Lollobrigida, si inschirie in maniere vierte cuintri i alarmis sanitaris intes etichetis des bevandis alcolichis. Cheste matine, a Pordenon, rispuindint aes domandis dai gjornaliscj, al à definît “dal dut iresponsabil il tentatîf di cualchi nazion, soredut de Irlande, di stigmatizâ ciertis produzions, in particolâr il vin”.
Secont Lollobrigida, il “Nutriscore nol informe, ma al condizione” e “al avantaze prodots iper-trasformâts a dan de diete mediteranie”.
“Inovazion e progrès a son i doi vetôrs che a vuidin la cressite sostignibile. Tant che guvier, o sin impegnâts intal agjevolâ i procès di trasformazion des impresis, favorint la semplificazion normative e fiscâl e stanziant risorsis impuartantis”, al à dit il viceministri al Ambient e Sigurece energjetiche Vannia Gava, presint ae inaugurazion vuê a Pordenon de edizion 2023 di AquaFarm (che ogni an al met adun lis figuris plui autorevulis intal ambit di ricercje e inovazion in agheculture, algocolture e industrie de pescje sostignibile) e NovelFarm (l’unic apontament in Italie dedicât aes gnovis tecnichis di culture, vertical farming e fûr teren che al clame a confront i plui impuartants academics e professioniscj dal setôr). (A.D.G.) – 15.02.2023
