Il vie libare dal Comitât pes autonomiis locâls al Plan oncologjic, ancje se a son stadis metudis in bande lis tabelis di sintesi, al à viert la strade a un gnûf document, ma a restin tensions fuartis, no dome tra maiorance e oposizion, ma ancje dentri de maiorance di centridrete.
Il Comun di Gurize, di fat, al à votât cuintri in spiete de riunion de Tierce comission convocade par doman dal so president Carlo Bolzonello. Propit a cheste Comission e je indreçade dal Comitato Salute Pubblica Bene Comune une letare che e domande di tignî di cont soredut lis esigjencis dal malât oncologjic.
Cun di plui, il comitât al spere che si vierzi in ogni distret sanitari un pont di acès par cjapâsi cure dal malât e la sigurece sui timps di spiete e il ricognossiment de autonomie organizative dal Burlo di Triest e dal Cro di Davian. (a.d.g.) – 28.01.2025
