24
Paolo Coppola, un timp deputât dal Pd e professôr de Universitât dal Friûl, al è stât elet segretari regjonâl dal partît fondât di Carlo Calenda dilunc dal congrès inmaneât sabide passade a Palme.
Coppola al jere l’unic candidât ae segretarie regjonâl. La sô mozion “Costruire Insieme” e delinee une vision riformistiche e pragmatiche che e met al centri il metodi concret de politiche e e ponte al risultât, su la fonde de competence, dal merit e de responsabilitât. (a.d.g.) – 18.03.2025
