Par Fedriga “Il câl demografic al puarte ae muart di un Paîs”

“Il supuart economic dal sigûr al jude, ma il probleme de denatalitât al è culturâl, no dome in Italie, ma in dute Europe”. Lu à dit, a Rome, il president de Regjon Massimiliano Fedriga, dilunc de presentazion de seconde edizion dal Festival des Regjons.

Secont Fedriga, “la poie economiche e je une des misuris par contrastâ il fenomen, ma nol è dal sigûr risolutîf. O scugnìn pensâ a cemût cambiâ la impostazion sociâl e culturâl des nestris comunitâts. Il câl demografic – al à concludût Fedriga – si puarte daûr problemis che a condusin ae muart di un Paîs”. (a.d.g.) – 06.09.23