80
“Lis crisis industriâls che a van indenant tal nestri teritori a metin in zenoli centenârs di fameis. La situazion no si pues ignorâ e al covente fâ alc par tornâ a fâ lavorâ lis industriis, pontant a creâ ocupazion verde e ad alt valôr zontât. Intant bisugne sostignî lavoradoris e lavoradôrs slargjant il contribût regjonâl di 3 euros par ogni ore a ducj i câs di casse integrazion e no dome, come che al è cumò, ai contrats di solidarietât”.
Lu à dit il conseîr regjonâl Giulia Massolino, dal grup Patto per l’Autonomia-Civica Fvg, che e à presentât une interogazion a rispueste drete che la sô discussion e sarà fate inte sentade dal Consei lunis ai 3 di Fevrâr. (a.d.g.) – 31.01.2025
