206
Par favorî il cicloturisim in mont a saran spindûts 1 milion e 200 mil euros pe prime part dai lavôrs de ciclabile de Val Tiliment. Tecnics e aministradôrs a son daûr a lavorâ ae aprovazion dal studi di fatibilitât tecnic economic dal progjet di realizazion dal gnûf percors destinât ae percorince di bici e pedons.
“Intal specific, il progjet al previôt il sprolungjament de ciclabile che cumò si ferme a Vile di Cjargne, fin a For disore – al sclarìs Claudio Coradazzi, sindic di For di Sot e vicepresident de Comunitât di Mont de Cjargne – e la introduzion di un percors di interès naturalistic al parc des Dolomitis, patrimoni Unesco e braùre dal nestri teritori”. (ADG) – 26.09.2022
