Tra lis fuarcis dal ordin di Italie, Slovenie e Cravuazie e sarà plui colaborazion cul obietîf di tirâ vie i controi dilunc dai confins prime dal Istât. Dilunc dal incuintri bilaterâl tra Regjon Friûl-Vignesie Julie e Slovenie, presints il president Massimiliano Fedriga e la ministre slovene dal Forest Tanja Fajon, si è tabaiât ancje dai confins e dai migrants che a rivin de Rote balcaniche cuant che al rive il bon timp.
“O sosten di timp – e à dit la ministre Fajon – la impuartance di tornâ a doprâ il tratât di Schengen parcè che magari cussì no o scuegnin frontâ cetantis sfidis leadis ai problemis de imigrazion iregolâr. Italie, Slovenie e Cravuazie a stan lavorant adun par inmaneâ patuliis mistis che a permetin di gjavâ vie i controi za dentri dal Istât”. (a.d.g.) – 22.03.2024
