Nuie furlan par GO!2025, e plui di cualchidun al à riçât il nâs par chest. La prime a mostrâ dispiet e je stade Stefania Garlatti Costa, dal Patto per l’Autonomia, conseîr comunâl di Udin cu la deleghe a Identitât furlane, plurilinguisim e biodiversitât che sul so profîl Facebook e à fevelât di delusion inspietade dilunc de cerimonie di scree pe mancjance di riferiments ae Gurize vere, chê indulà che si fevelin plui lenghis e furlane, tant che e mancjavin dal dut lis peraulis par furlan.
Vuê a cjapâ posizion al è stât ancje il cjâf dal partît Patto per l’Autonomia, che a àn cjatât ce dî su la organizazion, colpevule di vê lassât fûr il furlan e il todesc sedi dal sît uficiâl, sedi dal materiâl promozionâl de Capitâl europeane de Culture. Une denunzie e je rivade su chest di Elena Sartori, componente dal diretîf e conseire comunâl di Gurize e dal conseîr regjonâl Massimo Morettuzzo che fra pôc al presentarà une interogazion su chest fat. (a.d.g.) – 11.02.2025
