Proroghe di un mês ai Comuns par presentâ i progjets 

I Comuns a varan ancjemò un mês di timp par presentâ ae Regjon i progjets, cu lis domandis di contribût, par inviâ i Cantîrs lavôr indulà dâ lavôr ae int cu lis carateristichis previodudis de disocupazion. La proroghe dal inviament des ativitâts, dai 31 di Otubar ai 30 di Novembar dal 2022, e je stade decidude cuntune delibare de Zonte regjonâl aprovade inte sentade di cheste matine daûr de propueste dal assessôr al Lavôr, formazion, istruzion, ricercje e universitât Alessia Rosolen.

La decision de Zonte e darà cussì la pussibilitât ai Comuns, che ancjemò no àn concludût l’iter pes domandis, di podêlu fâ infri dal prossim 30 di Novembar. (ADG) – 28.10.2022