“Si stin svicinant ae fase finâl di cheste impuartante e dificile operazion dal Plan nazionâl di riprese e resilience, indulà che la Regjon e i ents locâi si son metûts adun par rivâ ai obietîfs di spese e di realizazion des oparis”.
Lu à dit vuê di matine l’assessôr aes Financis Barbara Zilli, daspò de riunion de Cabine di regjie pal Pnrr.
Come che e à visât l’assessôr dopo vê ringraciât la Anci regjonâl e lis direzions de Aministrazion regjonâl pal lavôr fat, a son rivâts altris 32 milions di euros a pro de compre di doi trens eletrics.
La plui part dai invistiments e je a un nivel bon di avanzament. I impegns di spese a àn tocjât l’80 par cent dai bêçs assegnâts, intant che i progjets distrigâts tal nestri teritori a son passe il 40 par cent. (a.d.g.) – 04.10.2024
