212
La Aministrazion regjonâl e conferme, ancje pai prossims trê mês, il scont extra su benzine e diesel par lâ incuintri ai citadins e aes impresis dal Friûl-Vignesie Julie. La riduzion e cjape in mût proporzionâl dute la regjon tacant de fasse zero, chê dai Comuns a mancul di dîs chilometris dal confin, che si zove di un altri scont di 10 centesims. Il Friûl-Vignesie Julie e je la uniche Regjon a vê metût in vore misuris cussì impuartantis e e je pronte a lâ indevant in cheste direzion se al coventarà. Al è il concet esprès dal governadôr dal Friûl-Vignesie Julie Massimiliano Fedriga a margjin de sentade de Zonte che e à confermât il scont extra sul carburant fin al ai 31 di Mai. (A.D.G.) – 17.02.2023
