“I lavôrs di rinovament des termis di Grau, che par chei a son stâts za mitûts a disposizion 5,5 milions di euros pal prin lot, a van indenant di mût che la struture e sedi operative prime de prossime stagjon estive. La intese firmade di pôc tra Regjon, Comun di Grau e PromoturismoFVG e permetarà l’afidament dal lot sucessîf dentri dal 2023 e la realizazion dal gnûf pôl termâl. A son stadis passadis di fat lis dificoltâts urbanistichis leadis al progjet di ampliament des termis e, a curte, a saran definîts ancje i coscj pai dirits di superficie”.
Lu à dit l’assessôr regjonâl aes Ativitâts produtivis e turisim Sergio Emidio Bini ae fin de visite, cheste matine, al cantîr des termis di Grau, fate adun cul sindic de citât Claudio Kovatsch, al president dal Grado impianti turistici (Git) Roberto Marin e al diretôr di PromoturismoFVG Antonio Bravo. (ADG) – 1.12.2022
