I doi gnûfs assessôrs de zonte Ziberna a Gurize a son Patrizia Artico ae Capitâl europeane de culture e al Gect e Giulio Daidone a Grancj Avigniments e Sport.
I Grancj Avigniments de dimissionarie Arianna Bellan a son lâts al za assessôr al Cumierç Luca Cagliari, discjamât de deleghe ae Transizion energjetiche che e va al neo-assessôr Giulio Daidone che al sarà ancje assessôr al Sport, deleghe che al veve za tant che conseîr. E dopo la grande novitât dal aromai ex puartevôs dal sindic Ziberna Patrizia Artico, che e devente la responsabile dal gnûf assessorât ae Capitâl europeane de culture e al Gect. L’adiu di Bellan al à fat nassi pardabon a un efiet a cjadene inte zonte comunâl di Gurize, cuntun rimpast che al prodûs ancje lis dimissions di Lucio Beltrame: la sô deleghe al Belanç e larà a Paolo Lazzeri, che al piert lis Politichis abitativis, in man cumò al assessôr al Benstâ sociâl Silvana Roman. (a.d.g.) – 04.10.23
